Menjëherë sapo u kthye nga Gjermania, kreu demokrat u takua në Rinas me përfaqësuesen e lartë të BE-së, Federica Mogherini, ndërsa me të mbërritur në Tiranë, Basha zhvilloi një bashkëbisedim me gazetarët, ku çështja kryesore ishte rekomandimi për negociatat Shqipëri-BE. Përpara tij, Monika Kryemadhi dhe Edi Paloka ishin takuar me shefen e diplomacisë Europiane.
Pyetje: Negociatat u hapën dje, apo sot kur erdhi Luli nga Gjermania?! Negociatat hapen pasi ka përfunduar lobimi, apo lobimi bëhet pasi hapen negociatat?
2.- Lulzim Basha: “Për çdo kapitull kërkohet vota e çdo vendi anëtar.”
Pyetje: Po vota e çdo vendi jo anëtar, a kërkohet?!
3.- Lulzim Basha: “Sot nuk është dita për të festuar, por për të punuar.”
Pyetje: Pse i keni rënë kot më qafë Lulit të shkretë duke thënë se nuk ka punuar kur ishte Kryetar Bashkie i Tiranës? Apo ai ka pritur njëherë që të hapen negociatat dhe pastaj të fillojë të punojë për herë të parë në jetë! Apo ka ndonjë që i ka thënë ndonjëherë: Puna e mbarë!
4.- Lulzim Basha: “Për hapjen e negociatave janë 5 kushte, që janë vlerësuar nga KE dhe do të vlerësohen edhe nga vendet anëtare. Kujtoj se për Gjermaninë nuk janë 5, por 7 kushte.”
Pyetje: A është edhe Gjermania një vend anëtar i BE si gjithë të tjerat që kanë 5 kushte, apo jo?!
5.- Lulzim Basha: Raportet e tyre tregojnë se nuk është kapur asnjë kryebandit.
Pyetje: Po opozita çfarë thotë? Apo duhet shkuar gjithmonë deri në Gjermani sa herë që na duhet të mësojmë ndonjë gjë të re për Shqipërinë?!
6.- Lulzim Basha: Reforma administrative, në raportin gjerman thuhet se vetëm në vitin e fundit 30% e punësimeve janë politike.
Pyetje: A e ka thënë nja 2-3 herë Genc Pollo këtë në Parlament dhe televizor, apo e ngatërrojmë ne, me ndonjë gjerman meqë është edhe pak kokë kuq ai?!
7.- Monika Kryemadhi: Reforma në drejtësi po ecën me hapa të ngadalta.
Pyetje: Edhe vrisnin mendjen besimtarët e tjerë kur e shihnin, se përse shkonte çdo të martë për 12 javë me radhë për të ndezur qiri në Kishën e Laçit, Mona?!
8.- Edi Paloka: “Sot ne kemi në burg 11 qytetarë të pafajshëm që janë arrestuar në kundërshtim dhe shkelje të të drejtave të njeriut, kështu që hapi i parë është lirimi i tyre. Ishte një nga kërkesat dhe zonjës Mogherini që foli për bashkëpunim mes opozitës dhe maxhorancës”.
Pyetje: Pas kësaj a ju tha gjë Mogherini: Edhe thoni ju pastaj, pse duhej bërë reforma në drejtësi, në Shqipëri?! Apo heshti këtë radhë meqë ashtu ishte një muhabet?
9.- Monika Kryemadhi: “Opozita ka kaluar çdo limit të bashkëpunimit të saj me zotin Rama duke filluar që në prezencën e saj në Parlament.”
Pyetje: Populli e voton opozitën për të mos shkuar në Parlament me sa dimë ne? Po Ju, kështu ja shpërbleni votuesve, vetëm e vetëm nga dashuria e madhe për Edi Ramën, besojmë apo jo?!
10- Monika Kryemadhi: “I vetmi që nuk ka ngjyra kuq e zi është Edi Rama, pasi të gjithë ata deputetë e kanë veshur, nëse ka njeri që nuk mban atë ngjyrë është Edi Rama”.
Pyetje: Ore ky Edi Rama ka qenë vërtetë basketbollit me kombëtaren, apo shkonte kot në ndeshje, sa për të vjedh bluzën se skishte çfarë të vishte?
Përgatiti: Alpenews.al