Maqedonia e Veriut voton sot për Presidentin e ardhshëm të vendit.
Ky është raundi i dytë i votimeve pasi në të parin nuk u zgjodh i kreu i shtetit nga qytetarët që nuk ishin të interesuar për të votuar.
41.79% ishte dalja në garën e parë, apo 755.702 votues zgjodhën në mes Blerim Rekës, Gordana Siljanovska-Davkova dhe Stevo Pendarovski.
Pas numërimit të votave nga KSHZ-ja, ndarja e votave ishte si në vazhdim:
- Blerim Reka – 79921 apo 10.58% të votave.
- Gordana Siljanovska-Davkova – 319.225 apo 42.24% të votave.
- Stevo Pendarovski – 323714 apo 42.84% të votave.
Si në gjithë ciklet tjera zgjedhorë, edhe këtë herë kishte 32811 vota të pavlefshme, apo 4.34% të votave të përgjithshme.
Sot zgjedhjet mbahen për së pari herë me emrin e ri të shtetit, pas marrëveshjes me Greqinë për riemërimin e Maqedonisë në Maqedonia e Veriut, njofton Telegrafi Maqedoni, transmeton Neësbomb.al.
Shqiptarët në pjesën e dytë të fushatës, pas rrethit të parë, kanë qenë të shënjestruar për t’i bindur që të votojnë për Siljanovska-Davkovan apo Pendarovskin, që garojnë në raundin e dytë.
Rregulli për këtë raund sipas Ligjit për zgjedhjet presidenciale është i qartë. Për t’u zgjedh president duhet që në zgjedhje të dalin të paktën 40% e votuesve, apo 723,252 votues nga Lista zgjedhore që numëron 1,808,131 votues gjithësejt. Rezultatet e para përfundimtare duhet të dalin pas orës 22:00. Ndërsa, gjatë ditës së sotme mbahen edhe zgjedhje lokale edhe në Ohër dhe komunën e Novo Sellës.
