Një shpërthim me tritol ka ndodhur pranë shtëpisë së gazetarit Elidon Ndreka në Lezhë.
Policia njofton se rreth orës 00:30, në fshatin Balldre, të Lezhës, në pjesën e jashtme të hyrjes së shtëpisë ka shpërthyer një sasi e vogël lëndë plasëse, ku si pasojë ka vetëm dëme të vogla materiale.
Nutomjet është filmuar nga një kamer sigurie, nga i cili ka zbritur një person dhe ka vënë lëndën plasese dhe më pas është larguar.
“Më datë 30.10.2020, rreth orës 00:30, në fshatin Balldre , Lezhë, në pjesën e jashtme të hyrjes së banesës së shtetasit E.N, ka shpërthyer një sasi e vogël dyshohet lëndë plasëse, ku si pasojë ka vetëm dëme të vogla materiale”, thotë policia.
Menjëherë në vendngjarje kanë shkuar forcat e policisë dhe grupi hetimor ku vijon veprimet për sqarimin e rrethanave të ngjarjes, identifikimin dhe kapjen e autorit.
