Punzo Pasquale, 38 vjeç, është arrestuar në Itali, duke u akuzuar për vrasjen e trefishtë, prodhim dhe posedim të lëndëve plasëse, si dhe drejtimin e një grupi kriminal.
Ngjarja e rëndë ndodhi më 18 nëntor 2024, në një fabrikë fishekzjarrësh në Via Patacca 94, në Ercolano, ku një shpërthim i fuqishëm mori jetën e dy binjakeve italiane 26-vjeçare dhe një shqiptari, Samuel Tafçiu, që punonte në kantier.
Hetimet intensive të Karabinierëve çuan në arrestimin e Punzo, i cili ka mohuar çdo lidhje me ngjarjen, duke deklaruar se “nuk ka lidhje me gjithë këtë aferë”. Ndërkohë, Gjykata e Napolit lëshoi masën e arrestit me burg ndaj tij, për akuzat e ngritura.
Shpërthimi ka shkaktuar pasojë tragjike dhe ka tronditur komunitetin, ndërsa autoritetet vazhdojnë hetimet për zbardhjen e plotë të ngjarjes.
