Një shpërthim ka ndodhur ditën e sotme në rrugën Beyoğlu Istiklal në Stamboll, Turqi.
Shkaku i shpërthimit nuk ishte i qartë, ndërsa në zonë raportohet për forca të shtura policore dhe ekipe mjekësore, ndërkohë që raportohet për të plagosur dhe të viktima.
Guvernatori i Stambollit Ali Yerlikaya në një deklaratë në rrjetet sociale ka sqaruar se shpërthimi ka ndodhur rreth orës 16:00.
“Një shpërthim ka ndodhur në lagjen Beyoğlu, në rrugën Taksim Istiklal, rreth orës 16.20 të ditës së sotme. Në vendngjarje janë dërguar ekipet tona të sigurisë, shëndetësisë, zjarrfikësve dhe AFAD. Ka viktima dhe të plagosur”, tha ai.
Në pamjet e pasqyruara është regjistruar se ka pasur zhurmë shpërthimi dhe flakët, ndërsa qytetarët u shpërndanë të tmerruar.
Rruga ishte e mbushur me njerëz, pasi është një rrugë e frekuentuar nga turistët dhe vendasit, e rrethuar nga dyqane dhe restorante.
istiklal caddesi'ndeki patlama anı pic.twitter.com/3fM5KRQLWW
— fırat (@firatfstk) November 13, 2022
