Sekretari i Përgjithshëm i PD Gazment Bardhi, ka bërë një deklaratë të fortë në konferencën për mediat që ka mbajtur pasditen e kësaj të enjteje. Ai ka thënë se Suel Çela, një person i akuzuar si i “bosi i krimit” në Elbasan, punon për Sali Berishën.
Një deklaratë e fortë kjo, pasi demokratët për vite me radhë, edhe vetë Sali Berisha, e kanë akuzuar këtë person si të lidhur me Partinë Socialiste. Por sot, Bardhi bëri një deklaratë të fortë, duke thënë se për këtë është në dijeni dhe Flamur Noka sepse është thirrur dy ditë më parë.
Numri dy i PD, tha se Suel Çela po thërret drejtuesit e Partisë në Elbasan që të firmosin formularin e Sali Berishës për Kuvendin Kombëtar.
Deklarata e fortë e Gazment Bardhit:
Syri TV ka dy muaj që merret me mua. Majde ka arritur deri aty sa të akuzojë sekretarin e PD, drejtuesi i televizionit tuaj, se unë flas në telefon me Suel Çelën. Ai e di që unë nuk flas në telefon. E kam pasur përballë në fushatën e 25 prillit. Sot Suel Cela punon për atë që bën tifo zi zotëria që drejton televizionin tuaj.
Sot ky individi që e kemi pasur përballë në zgjedhjet e 25 prillit, thërret drejtuesit e PD në Elbasan dhe u vendos formularin për nënshkrim. E di dhe Flamur Noka se ka qenë i thirrur nga ata që kanë besuar te demokratizimi i PD, pikërisht për këtë çështje. Pikërisht se nuk pranojnë demokratët e Elbasanit që ta mbledhi Kuvendin Suel Çela.
Ka dy muaj që bëhen akuza ndaj meje, ndaj kryetarit, ndaj cilitdo që mendon ndryshe nga Çim Peka. Është e drejta jonë të mendojmë ndryshe nga Çim Peka. Të më akuzosh mua që flas në telefon me Suel Çelën, ose duhet të jesh për diku tjetër jo në TV, ose je duke mbuluar atë që po bën vet.
