Kryeministri i vendit Edi Rama, i ftuar këtë mbrëmje në emisionin “Real Story” në News 24 me Sokol Ballën deklaroi se në Shqipëri ka ardhur fiks koha të vendoset drejtësi dhe të ngrihet një Komision i Posacëm Parlamentar që të hetojë në lidhje me akuzat në raportin e Dick Marty.
Kjo sipas tij, nuk është një çështje që trazon Prishtinën apo Tiranën, kjo është një çështje që të çon tek e vërteta. AI shtoi se gabohen të gjithë ata që mendojnë se po përdoret Kosova për të dëmtuar kryedemokratin Basha.
Rama: Teorinë e akuzave me njëri-tjetrin nuk e pranoj. Unë nuk akuzoj pa prova
Balla: Por insinuoni ama…
Rama: Ajo që e quaj shpata e gjuhës është krejt tjetër nga plehu i gojës. Për mua është koha për ta bërë këtë, e vonuar apo jo është çështje që ha diskutim. Sot për ata njerëz që gjenden në bankën e të akuzuarve, jam i bindur se e drejta do të vonojë por nuk do harrojë. Kam parasysh kalvarin e Haradinajt etj dhe s’kam arsye të mendoj të kundërtën për kalvarin e Thacit. Nëse do e bënim më parë do akuzoheshim se do bënim një lojë obskuriste për ta nënçmuar Tribunalin, siç akuzohet Hashimi se paska penguar Tribunalin.
Balla: Pra Shqipëria po i përgjigjet thirrjes së Pacollit për ngritjen e një komisioni faktmbledhës?
Rama: Kur doli Balla u amabalazhua thënia e tij si një daje për të nxjerrë të dobët dhe pa karakter lidershpin e PD. Ndërkohë ajo ç’ka Balla ka thënë dhe çfarë po diskutojmë është si ne të mund të ngremë një komision që shkon në këtë drejtim edhe çfarë thotë Pacolli, apo Thaci. Rnëdësi ka thelbi. Kush thotë që po përdorim Kosovën, apo dëshmitarin në Kosovën për të luftuar këtu me Bashën bën një gafë të madhe. Janë dy gjëra pa lidhje, nuk është një temë, edhe sikur të ishim me qëlllime kaq të lira, a të dobëta nuk do ishte një temë me impakt elektroral. Këtu askush nuk do ta besonte Kush thotë që duam të shfrytëzojmë Kosovën për ta dëmtuar Bashën bën një gabim po aq të madh.
Balla: Pas këtij misioni faktmbledhës do çoni nje rezolutë në Asamblenë Parlamentare të Këshillit të Europës?
Rama: Kjo është ideja.
