Prokurori Besim Hajdarmataj, që kërkon arrestimin e Saimir Tahirit, nuk e di se kur ka nisur procedimi penal për Saimir Tahirin.
I pyetur për datën e nisjes së procedimit penal ndaj Saimir Tahirit, nga ana e deputetit Ulsi Manja, Hajdarmataj nuk ka ditur të përgjigjet. Ai ka thënë se është marrë vesh nga mediat, duke mos dhënë një përgjigje të saktë. Hajdarmataj, që ishte i paqartë në përgjigjet e tij, la të kuptohej se hetimet për Tahirin nisën vetëm pas publikimit të lajmeve të bëra publike në mediat italiane dhe në mënyrë befasuese, pa kryer hetime të thelluara, Prokuroria ka kërkuar arrestimin e Tahirit.