Në kulmin e debatit politik për dosjen Tahiri, kreu i SHISH ka dhënë dorëheqjen. Pas kësaj kryeministri Rama iu drejtua zyrës së Presidencë, ku zhvilloi një takim me presidentin Meta. Pas kësaj në krye të kësaj detyre u emërua Helidon Bendo.
Gazetari Artan Hoxha, thotë se, kjo lëvizje ishte surprizë. Sakaq, ai është shprehur se largimi i Visho Ajazit është kërkuar edhe në vitin 2013. Artan Hoxha thotë se, edhe Presidenti Meta dhe kryeministri Rama janë përgjuar, teksa kanë zhvilluar biseda me të njëjtin person.
“Çdo kryeministër që vjen, do që të ketë në krye të këtij shërbimi dikë që të jetë afër qëndrimeve të tij, pra të jetë i besuar, të mbledhë informacion për kundërshtarët e kryeministrit. Visho Ajazi është emëruar pas një marrëveshje mes Presidentit Nishani dhe kryeministrit Berisha në atë kohë. Pati këndvështrime kundër tij, pasi kishte qenë nëndrejtor në kohën e Gazidedes.
Edhe partnerët strategjikë e mbështetën emërimin. Në dijeninë time dorëheqja e Ajazit është bërë ditën e premte.
Ky shef Shërbimi është akuzuar edhe nga Presidenti Meta edhe nga kryeministri Rama. Meta është përgjuar 823 herë, në telefonata të gjatë e të shpeshta me një person.
Përkatësisht 600 herë Ramën dhe rreth 300 herë Metën.
Rama është përgjuar me po të njëjtin person që është përgjuar edhe Meta. Rama është përgjuar disa herë me këtë person”,- tha gazetari Hoxha.
Më tej Gazetari Hoxha zbuloi edhe një fakt të ri, sipas të cilit, Visho Ajazi pasi ikën nga drejtimi i SHISH-i do të shkojë si këshilkltar pranë shefit të NATO-s.
“Visho Ajazi e ka dhënë dorëheqjen pasi ai ka bërë një aplikim të ri për punë. Ai do të marrë një post shumë të rëndësishëm në nivel ndërkombëtar. Ai shkon si këshilltar sigurie i shefit të NATO-s”,- tha gazetari Artan Hoxha.
