Në një intervistë të shpejtë të bërë nga BBC Radio 4 ylli I “Cheers dhe Frasier” aktori Kelsey Grammer ka rrëfyer mbi vrasjen makabre të motrës së tij Karen në vitin 1975.
Ai është shprehur se e nderon kujtimin e motrës së tij duke na treguar që vrasësi i saj vazhdon të jetë mbrapa hekurave. Por ka çuditur dëgjuesit e radios me ato që ka shprehur.
62 vjeçari Grammer tha: “Pavarësisht dhimbjes së madhe që më shkaktoi vdekja e motrës, unë mësova si të fal. Madje i kam thënë edhe vrasësit që unë e kam falur. Kjo gjë më ka bërë të ndihem mirë, por gjithsesi nuk jam pro lirimit të vrasësit, sepse nuk mendoj se është e arsyeshme.”
Kjo gjë ka shkaktuar reagime te dëgjuesit e BBC Radio 4. Ata janë shprehur se është e pamundur të falësh një vrasës, raporton AlpeNews.al
Në të majtë të fotos është 18 vjeçarja Karen Grammer, në të djathë të saj është vrasësi Glenn
Motra e tij u vra nga një djalë i quajtuar Glen në vitin 1975 teksa ishte duke pritur të dashurin e saj jashtë hotelit ku punonte. Agresori Glen pasi i ka hyrë me forcë në makinë, e ka përdhunuar, ka vjedhur çdo gjë që kisht dhe më pas e ka vrarë.
Grammer, i cili në atë kohë ishte 20 vjeç, tha se vdekja e motrës e kishte shtyrë pothuajse të hiqte dorë nga jeta dhe se besimi i tij në zot u shkatërrua, por kjo gjë ndryshoi me kohën.Përgatiti AlpeNews.al
Grammer dhe motra e tij pak para se të vritej.
