Një turist kinez ka vdekur pasi u kafshua në gjoks nga një hipopotam, të cilin po përpiqej të fotografonte në Kenia. Chang Ming Chuang, 66 vjeç, po gjurmonte kafshën në një vendpushim të egër në Liqenin Naivasha, 90 km në veri-perëndim të kryeqytetit, Nairobi. Dhe në turist i dytë kinez u plagos gjatë këtij sulmi.
Plot gjashtë persona janë vrarë nga hipopotamët në këtë zone këtë vit. Nivelet e larta të ujit po bëjnë që hipopotamët të jenë gjitarët më të të rrezikshëm në botë.
Sipas dëshmitarëve, dy turistët ishin afruar shumë pranë kafshës, pranë hotelit SOPA.
Personin e kafshuar e nisën me nxitim për në spital, por më pas vdiq. Turisti i dytë, i quajtur Wu Peng Te, u trajtua në Spitalin e Qarkut Naivasha, për shkak të të nxirave dhe shenjave të marra.
David Kilo, kryetar i Shoqatës së Pronarëve të Varkave të Liqenit Naivasha, tha për gazetën Star të Kenisë se rritja e nivelit të ujit, kishin ulur zonat e kullotave pë hipopotamët, duke i detyruar ata që t’i kalonin në fermat dhe bazat e hoteleve, dhe duke rritur kontaktin midis gjitarëve dhe njerëzve.
Shërbimi Wildlife Kenya tha se ishte në ndjekje të ngjarjes në fjalë.
Hipopotamët janë kafshë me dhëmbë të mprehtë, peshojnë deri në 2.750 kg (tre ton) dhe vrasin rreth 500 njerëz çdo vit në Afrikë.
Nga turizmi Kenia fitoi 1.2 miliardë dollarë vitin e kaluar, me 1.4 milion të ardhur nga jashtë vendit.
/AlpeNews.al