Shkon me gruan dhe dy fëmijët për vizitë, por i jep një dru të mirë mjekut dhe i thyen edhe këmbët. Ngjarja ka ndodhur në një spital në Naousa në Greqi dhe raportohet nga mediat vendase.
Raportohet se shqiptari, emri i të cilit nuk është bërë publik, shkuan në pediatri dhe mjeku i kontrolloi dy fëmijët. Deri këtu nuk ka pasur asnjë problem, së paku nga sa raportojnë mediat greke.
Por, pasi kishte përcjelle jashtë gruan dhe dy fëmijët, shqiptari u kthye sërish, hapi derën e dhomës së mjekut dhe e dhunoi.
Thuhet se ai e qëlloi me grusht, madje i dha një dru të mirë, duke i thyer edhe këmbën. Nuk ka asnjë detaj lidhur me motivin e këtij sherri, as se cfarë e shtyu shqiptarin të bëhej agresiv.
Vetë mjeku nuk ka dhënë detaje, madje ka reaguar i befasuar lidhur me sa ndodhi. Nga ana tjetër, spitali ka bërë apel për rritje të parametrave të sigurisë në pune.
