Dy gazetarë të agjencisë së lajmeve Reuters në Mianmar u dënuan me shtatë vjet heqje lirie nën akuzat për shkeljen e “Aktit të Sekreteve Zyrtare’.
Wa Lone dhe Kyaw Soe Oo, qenë arrestuar në dhjetor të vitit të kaluar, pasi që ishin takuar me dy policë në një restorant në Yangon, që u kishin dhënë një pirg me dokumente. Ata u akuzuan për shkelje të “Aktit të Sekreteve Zyrtare”, që ishte mirauar ne vitin 1923 kyr Mianmari quhej Burma dhe ishte nën sundimin kolonial britanik. Të dy mohuan të kenë kërkuar dokumente.
Gazetarët po mbulonin fushatën brutale ushatrake në shtetin Rakhine që dëboi rreth 700 mijë myslimanë Rohingya përtej kufijve në Bangladesh që nga muaji gusht i vitit të kaluar. Ata ishin përqendruar në raportimin p[ër masakrimin e 10 Rohingyave nga policia dhe ushtarët në fshatin Inn Din.
Arrestimi i Wa Lone dhe Kyaw Soe Oo, shkaktoi zemërim ndërkombëtar midis aktivistëve të lirisë së shprehjes dhe të të drejtave të njeriut, të cilët e panë rastin si sprovën e parë reale për lirinë e shprehjes në Mianmar pas përqafimit të demokracisë në vitin 2016, pas dekadash nën sundimin ushtarak represiv.
Kryeredaktori i agjencisë Reuters, Stephen J. Adler, e dënoi vendimin nëpërmjes një deklarate duke e cilësuar “një ditë të trishtueshme për Mianmarin,” dy gazetarët dhe “dhe shtypin gjithandej” dhe kjo, tha ai, ajo duhet të korrigjohet nga qeveria e Mianmarit “urgjentisht”. Zoti Adler tha se vendimi ishte “një hap i madh prapa në tranzicionin e Mianmarit në demokraci.
Qeveria e Mianmarit u ka ndaluar pjesës më të madhe të gazetarëve dhe vëzhguesve ndërkombëtarë që të udhëtojnë në zonë në mënyrë të pavarur. Qeveri civilo-ushtarake ka mohuar akuzat e Kombeve të Bashkuara dhe Shteteve të Bashkuara për spastrim etnik, por ka dënuar shtatë ushatrë në lidhje me vrasjet në Inn Din.
Në trup i veçantë hetues i Kombeve të Bashkuara, publikoi një raport javën e kaluar duke akuzuar ushtrinë e Mianmarit për kryerjen e mizorive të shumta gjatë sulmeve të vitit të kaluar kundër myslimanëve Rohingya “me synimin e gjenocidit” dhe po bën thirrje për ndjekjen e gjeneralëve të saj të lartë, përfshirë shefin e shtatmadhorisë së ushtrisë, Min Aung Hlaing, për gjenocid, krime kundër njerëzimit dhe krime lufte.
