Kryeministri Edi Rama ka zhvilluar një takim për mbi 1 orë e 30 minuta me ambasadorët e vendeve të Bashkimit Europian në Tiranë.
Ky takim kishte në fokus qendrimin e qeverisë dhe ndërkombëtarëve pas vendimit të Presidentit Ilir Meta për të shtyrë datën e zgjedhjeve të 30 qershorit në një afat të pacaktuar.
Në takim ka qenë ambasadori i BE në Tiranë, Luigi Soreca, ambasadorja gjermane Sussane Schutz, ambasadorët e Britanisë, Francës dhe Italisë. Në takim ka qenë edhe kryediplomatja e SHBA në Tiranë, Leyla Moses Ones.
Ende nuk ka një raportim mbi atë që është diskutuar në takim, dhe nëse do të ketë një qendrim të unifikuar nga ndërkombëtarët për vendimin e Metës dhe lëvizjen e PS për shkarkimin e tij.
