Kryetari i Komisionit Hetimor, deputeti Alket Hyseni tha se Presidenti aktual i Republikës, Ilir Meta e ka shkelur Kushtetutën.
Kjo pasi ai u përfshi në fushatë elektorale dhe u bë krah me një apo disa palë politike. Gjithashtu Hyseni tha se në raportin e detajuar, ka dhe nxitje dhune apo nxitje urrejtje.
“Fyu dhe etiketoi një palë tjetër politike”, shtoi Hyseni.
Alket Hyseni: Nxiti dhunën dhe urrejtjen. Komisioni Hetimor paraqiti raportin e detajuar me prova konkrete, pamje filmike, postime, shkresa, komunikime. Që faktojnë atë që opinioni publik e ka të qartë. E dinë dhe e kuptojnë të gjithë që ai ka shkelur Kushtetutën. Ai ka dalë nga roli i tij si president. Atij i ndalohet të marrë pjesë në fushatë zgjedhore, të bëjë komente politike dhe të mbajë kah politikë. Të fyejë apo etiketojë një palë politike. Është një rast i ngjashëm me Korenë e Jugut. Pjesëmarrja e Presidentit në fushatë është shkelje e Kushtetutës.