Kreu i Grupit Parlamentar të PS, Taulant Balla, në fjalën e tij në Kuvend në lidhje me debatin për shkarkimin e Metës, tha se dekreti për anulimin e zgjedhjeve është antikushtetues dhe i pavlefshëm.
Gjatë fjalës së tij Balla ka treguar dhe bisedën që ka pasur me Metën kur kanë vendosur datën 30 qershor për datën e zgjedhjeve.
“Caktimi i datës së zgjedhjeve është detyrim i ti dhe jo e drejtë. Periudha zgjedhore është e përcaktuar me ligj. Brenda periudhës zgjedhore presidenti mund të zgjedhë dy data ndërmjet saj. Procedura kushtetuese parasheh konsultën me kryetarët e grupeve parlamentare. nëse ato nuk shfaqin konsesus respektohet vendimi i presidentit i cili ka detyrën të gjejë gjuhën mes palëve. Unë kam propozuar datën 9 ndërsa presidenti këmbënguli se ka vetëm dy data atë 23 dhe 30 qershor. presidenti më bindi që duhet të zgjidhej mes tyre. Data e zgjedhjeve nuk lidhet me interesat politike por me atë të zgjedhësve shqiptarë. Sqarimi i kompetencës ka rëndësi për të kuptuar sa i kufizuar është presidenti në këtë aspekt. Ai ka kompetencën për dekretimin e zgjedhjeve e cila është një akt me efekt të menjëhershëm. Dekretimi është hapi i parë dhe i fundit i presidentit lidhur me zgjedhjet”, shtoi kreu i Grupit të PS.
Balla tha se Presidenti Ilir Meta ka cënuar të drejtën për të zgjedhur dhe për tu zgjedhur.
