Një ditë më parë, Gjykata në Kroaci vendosi një muaj paraburgim për shoferin e autobusit që shkaktoi tragjedinë shqiptare, ku humbën jetën 10 persona.
Lidhur me shoferin, Kosova do të tentojë ekstradimin e tij. Pavarësisht se Gjykata në Kroaci i ka caktuar masën arrest me burg për një muaj, po tentohet që gjykimi i shoferit të bëhet në Kosovë.
Kosova dhe Kroacia nuk kanë marrëveshje ekstradimi për të burgosurit, por Ministri i Brendshëm, Sveçla ka deklaruar se mund të ketë një marrëveshje të veçantë.
Kujtojmë se dje autoritetet kroate dëgjuan palët, shoferin dhe provat e grumbulluara, ndërsa sot vendosi që shoferi të qëndrojë një muaj në paraburgim, më pas do të ketë vlerësim në vazhdimësi të masës në bazë të hetimeve që po vijojnë nga autoritetet.