Reshjet e dendura të shiut përmbytën edhe disa segmente të autostradës Tiranë-Durrës. Deri në zonën e Shënavlashit qarkullimi është përgjithësisht i lirë, ndonëse me prani të shtuar automjetesh. Edhe drejt Rinasit, mund të lëvizet pa shumë vështirësi.
Ndërkohë rrugës për në qytetin e Durrësit qarkullimi i automjeteve është pothuaj i pamundur, ndërsa trafiku është kilometrik.
Uji ka përmbytur rrugë, banesa e sipërfaqe të tëra tokash bujqësore.
Pamjet e siguruara nga Report Tv tregojnë edhe makina nën ujë.
Më herët Policia bëri me dije se ka vendosur devijimin e lëvizjes së automjeteve që vijnë nga jugu në drejtim të Tiranës, të cila për shkak të motit të keq po qarkullojnë nga Rruga e Plepave për në Ndroq dhe nga rruga “Rrogozhinë–Elbasan–Tiranë”.
Për në Durrës, kalimi po bëhet nga rruga e universitetit, në drejtim të Spitallës dhe në rrugën “Tiranë-Elbasan-Rrogozhinë”.
