Mbi 64 mijë raste me COVID-19 u identifikuan në 24 orët e fundit në Indi, duke e çuar numrin e të infektuarve në total në mbi 2.7 milionë. Ndërkohë, 1,092 njerëz kanë vdekur, numër ky më i lartë në një ditë që nga fillimi i pandemisë.
India është e treta në botë me numrin e të infektuarve, pas Shteteve të Bashkuara dhe Brazilit.
Bëhet e ditur se në katër nga 28 shtetet indiane gjenden 63 për qind e të gjithë të të vdekurve dhe 54.6 për qind e të infektuarve.
Shteti perëndimor indian i Maharashtra dhe shtetet jugore si Tamil Nadu, Andhra Pradesh dhe Karnataka janë më të prekurit nga pandemia e coronavirusit.
