Ish-deputeti i PD-së, Edi Paloka tha sot në emisionin “Zonë e Lirë”, se Rama po sulmon Perëndimin sepse po e sheh veten larg tyre dhe ka mbështetje vetëm nga Turqia.
Kreu i Grupit Parlamentar të PD shtoi se kryeministri në 26 prill mund të marrë charterin e tij privat dhe të arratiset në Lindje, për të kërkuar azil politik.
Paloka, i vendosur drejtues politik i PD në Durrës, tha se Rama mban gjithnjë dy truproja që kanë çantë balistike e cila kur hapet të mbron dhe nga plumbat, mirëpo këto pajisje i mban vetëm Garda e Republikës.
“Rama nuk kafshon dot askënd dhe asgjë, më tepër njihet si lëpirës se sa kafshues. Është tentativë për diçka. Për mua ka disa interesa, duke bashkuar edhe sulmin ndaj Evropës, ndaj Francës në veçanti.
Është një përpjekje e dëshpëruar e Ramës në fund të një mandati që nuk e mbron dot më. Kriminelët janë e vetmja fuqi në fushatën e tij dhe paratë e pista.
Është një mesazh që ai i thotë ‘mos më braktisni se unë ju mbroj deri në fund edhe përballë Amerikës’. Sulmi ndaj perëndimit mund të jetë më i thellë.
Ai po sulmon këdo, Rama ka një aeroport privat (përmend Rinasin), ka një charter privat në aeroportin e Rinasit, Air Albania, që vetëm emrin ka Air Albania se dihet që është ‘turkish’.
Mos u habisni që pas 25 Prillit të marri charterin dhe të iki në lindje. Rama bredh me ushtri, ka dy bodyguard që kanë valixhe anti-plumb anash që kur hapen e izolojnë direkt anash se ka frikë”, Edi Paloka. Ngjan si fantazi ne fakt!
