Karabinierët në Firenze kanë shkatërruar një organizatë shqiptarë të trafikut të drogës. Grupi shpërndante marijuanë në disa prej qyteteve kryesore në Itali.
Në prangat e policisë ranë 5 persona, një italian dhe 4 shqiptarë. Sipas mediave italiane, operacioni u krye në bashkëpunim me policinë shqiptare.
Për tre prej tyre drejtësia italiane vendosi burg, ndërsa për dy të tjerë është caktuar masa e arrestit shtëpiak. Hetimet për organizatën kriminalë nisën që në janar të 2018-ës.
Mësohet se lënda narkotike transportohej nga Shqipëria në brigjet e Brindisit dhe më pas shpërndahej tek bandat pulieze.
Qytetet kryesore ku shitej marijuana ishin Roma, Milano, Firenze dhe Napoli.
I hetuari kryesor ishte një shqiptar me iniciale S.F, i cili siguronte edhe transportin e lëndës narkotike.
Lajmi është komentuar edhe nga ministri i brendshëm italian, Matteo Salvini, i cili është shprehur se do të ketë 0 tolerancë për ata që shesin vdekjen.
