Një sherr ka ndodhur në aksin rrugor Fushë Krujë-Thumanë. Mësohet se 32-vjeçari është dhunuar me sende të forta.
“Më datë 13.09.2023, në aksin rrugor Fushë Krujë-Thumanë, një shtetas ende i paidentifikuar, ka goditur dyshohet me sende të forta, shtetasin D. P., 32 vjeç, i cili si pasojë është dëmtuar dhe po dërgohet në spital, për ndihmë mjekësore“, thuhet në njoftimin e policisë.
I riu nga Lezha po udhëtonte në drejtim të Tiranës, kur 2 automjete i kanë prerë rrugën duke e i dalë njëra para, tjetra pas dhe prej tyre kanë dal 6 apo 7 persona duke e dhunuar në pjesë të ndryshme të trupit.
Mësohet se 32-vjeçari është dëmtuar në shpatull, brinjë si dhe ka çarje edhe në kokë për shkak të goditjeve me sende të forta. Sipas të riut, nuk e di as arsyen pse e kanë qëlluar dhe nuk i ka njohur edhe personat dhunues.
Ndërkohë, policia po punon për identifikimin e dhunuesve dhe kapjen e tyre.
