Një sherr i dhunshëm, ku janë përfshirë disa persona, ka ndodhur ditën e sotme në Kukës.
Sipas policisë, ngjarja ka ndodhur në një lokal, ku dy kushërinj se bashku me 3 shokë të tyre, kanë goditur me shkop bejsbolli dhe kanë tentuar të vrasin me armë zjarri një tjetër person, Si pasojë e goditjes me shkop bejsbolli, shtetasi S.I është dëmtuar dhe ndodhet në spital, nën kujdesin e mjekëve. Fatmirësisht, nga të shtënat me armë nuk ka persona të lënduar.
Hetuesit po vijojnë punën për zbardhjen dhe dokumentimin e plotë të këtij rasti, si dhe për kapjen e autorëve dhe të personave të tjerë të përfshirë në këtë konflikt.
Njoftimi i policise:
Në një lokal në qytetin e Kukësit, shtetasit Ç. M. dhe E. M. (kushërinj me njëri-tjetrin), dyshohet se, së bashku me 3 shtetas të tjerë, gjatë një konflikti për motive të dobëta, kanë goditur me shkop bejsbolli dhe kanë tentuar të vrasin me armë zjarri shtetasin S. I. Shtetasi S. I. është dëmtuar si pasojë e goditjeve me shkop bejsbolli dhe ndodhet në spital, nën kujdesin e mjekëve. Nga të shtënat nuk ka persona të lënduar.
Është ngritur menjëherë grupi hetimor dhe, nën drejtimin e Prokurorisë Kukës, po vijon puna për zbardhjen dhe dokumentimin e plotë ligjor të këtij rasti, si dhe për kapjen e autorëve dhe të personave të tjerë të përfshirë në këtë konflikt.
