Në Itali është shënuar viktima e parë nga virusi kinez. Viktima është një 78-vjeçar i cili po trajtohej në spitalin e Schiavonias, Padova nga patologji të mëherëshme. Ndërkohë që ka arritur në 16 numri i rasteve të reja të konfirmuara pozitivisht me koronavirus në dy rajonet veriore, Lombardi dhe Veneto të vendit fqinj.
Ndërsa në shkallë golbale numri i viktimave nga virusi kinez ka shkuar 2360 dhe rreth 78 mijë persona janë konfirmuar të infektuar. Sipas të dhënave të fundit të lëshuara nga Komisioni Kombëtar i Shëndetit i Kinës (NHC) këtë të shtunë rreth 109 persona kanë ndërruar jetë në Kinë, tre prej të cilave në provincën Hubei, që është edhe epiqendra e shpërthimit të Covid-19.
Të dhënat e fundit rrisin numri e vdekjeve në 2345 persona në territorin e Kinës, 2250 prej të cilëve vetëm në Hubei. Ndërkaq, pas Francës, Italia është vendi i dytë që ka shënuar një tjetër viktimë në Evropë duke e bërë më tepër serioze situatën.
Ndarja e vdekjeve në nivel global:
Ka pasur 15 vdekje të raportuara jashtë territorit të Kinës
Irani: 4 vdekje:
Japoni: 3 vdekje:
Hong Kong, Koreja e Jugut: 2 vdekje secila
Tajvan, Filipine, Francë, Itali: 1 vdekje secila
Rikuperimet: Autoritetet shëndetësore kineze raportuan se gjithsej 20,858 pacientë janë shëruar dhe janë larguar nga spitali.