Presidenti i SHBA-së, Donald Trump, sapo ka pritur kryeministrin izraelit, Benjamin Netanyahu, në Shtëpinë e Bardhë. Në fokus të bisedimeve në Shtëpinë e Bardhë do të jetë plani 21 pikësh për përfundimin e luftës në Rripin e Gazës.
Ndërsa Trump përshëndeti Netanyahun, dëgjuam disa pyetje të bërtitura nga gazetarët në Shtëpinë e Bardhë. Një gazetar u dëgjua duke pyetur: “A jeni i sigurt se do të ketë paqe në Gaza së shpejti?”
Trump u përgjigj: “Jam shumë i sigurt.” Trump dhe Netanyahu pritet të diskutojnë një plan të ri paqeje me 21 pika, të cilin presidenti amerikan shpreson se mund t’i japë fund luftës në Gaza.
Të dy udhëheqësit po takohen tani në Zyrën Ovale – por është e mbyllur për shtypin, kështu që nuk do të dëgjojmë më shumë rreth bisedës së tyre deri shumë më vonë.
“Ne kemi një mundësi reale për madhështi në Lindjen e Mesme. Të gjithë janë pajtuar për diçka shumë speciale, për herë të parë në histori”, njoftoi presidenti amerikan përmes rrjeteve sociale, duke premtuar se takimi mes Netanjahun do të ketë një rezultat pozitiv.
“Po punojmë për të”, tha ai. “Nuk është finalizuar ende”. Kurse Hamasi njoftoi se nuk kishte marrë asnjë propozim të ri për armëpushim. Në një deklaratë, Hamasi përsëriti “gatishmërinë për të shqyrtuar çdo propozim që merr nga vëllezërit e tij ndërmjetës në një mënyrë pozitive dhe të përgjegjshme, duke ruajtur njëkohësisht të drejtat kombëtare të popullit palestinez”.
