Përveç fjalimeve me rëndësi dhe zbatimit të protokollit, kamerat dokumentuan mjaft momente interesante gjatë inaugurimit të presidentit të 47-të të SHBA-së, Donald Trump. Ai nuk u betua me dorën në bibël siç ka ndodhur zakonisht me presidentët.
Bashkëshortja e tij në momentin e betimit iu afrua atij me biblën e Abraham Linkoln dhë atë të nënës së tij në dorë, por Trump nuk e mbajti dorën mbi to. Harroi apo ishte një zgjedhje kjo vështirë të thuhet, megjithatë betimi i tij mori formë zyrtare.
Përpara një momenti triumfi të gjithëve u lind dëshira të shkëmbejnë një puthje me të dashurit, por kjo gjë dështoi mes Donald dhe Melanias dhe arsyeja ishte kapelja e saj që përveç se pengoi puthjen mori edhe një kohë të konsiderueshme televizive nga inkuadrimi i shpeshtë që iu bë.
Gjiri i Meksikës apo gjiri i Amerikës? Shumë janë habitur me këtë ide të Trump, ndërsa ish-sekretares së shtetit Hillary Clinton mesa u pa teksa presidenti i ri e tha sërish si zotim i shkaktoi të qeshura.Amerika kërkon sërish të pushtojë hapësirën tha Trump dhe do të dërgojmë flamurin amerikan në Mars. Këtu kameramani dhe regjia u treguan të zotë të gjenin edhe reagimin e Elon Musk, ide që nuk kishte si të mos i pëlqente, sidomos një njeriu që nis raketa në hapësirë dhe që është emëruar si këshilltar për mirëqeverisjen nga presidenti amerikan.
Disa i kanë quajtur të mëdhenjtë e teknologjisë e disa oligrakët e rinj të Amerikës. Jeff Bezos, Elon Musk dhe Mark Zuckerberg ishin padyshim disa nga fytyrat protagonist të inaugurimit të Donald Trump ku ishin të ftuar specialë.
Kam një djalë shumë të gjatë këtu në sallë që na ndIhmoi të fitojmë votën e të rinjve tha Donald Trump për djalin e tij Barron. Tashmë i rritur ai bëri disa veprime aspak të ndrojtura, ndryshe nga sa publiku ishte mësuar ta shihte për vite të tëra kur ishte më i vogël.
Balloja përmbyllëse e paradës inauguruese nxorri dy çiftet presidenciale Trump dhe Vance në një pistë gjigande kërcimi ku më pas iu bashkuan anëtarë të ushtrisë amerikane.
