Sali Berisha ka deklaruar për italianen “La Stampa” se beteja e opozitës do të vijojë. Berisha insiston tek largimi i Edi Ramës, ndërsa për nderkombëtarët mendon si Ilir Meta: Janë të njëanshëm.
A shihni një zgjidhje?
Në 2006-n, kur unë isha kryeministër, Rama ishte kandidat për bashkinë e Tiranës dhe nuk pranonte datën e zgjedhjeve. Atëherë, kryetari i atëhershëm i shtetit Alfred Moisiu, i shtyu zgjedhjet me 5 muaj. S’e mendova për asnjë moment se mund të shkoja vetëm në zgjedhje, kushtetuta jonë imponon pluralizmin. S’mendoj se me Ramën në pushtet është e mundur një marrëveshje. Ai ka ngritur në këmbë një narko-shtet. Duhet fillimisht të dorëhiqet e më pas të lërë popullin që të votojë për parlamentin.
Masat e ardhshme të opozitës?
Do të reagojmë me të gjitha format që parashikon mosbindja civile. Kryetari i opozitës do të vendosë së shpejti për këtë.
A mendohet se mund të shpërthejë dhunë?
S’di ta them. Ne do vijojmë betejën tonë.
USA, BE, OSBE po i pranojnë votimet. Duket sheshit se s’i keni bindur dot…
Tek bashkësia ndërkombëtare gjej sjellje të njëanshme të cilat nuk i shërbejnë stabilitetit të Shqipërisë. Kush mendon se problem është opozita, bën një gabim të madh që mund të ketë pasoja. S’po them se opozita është e përkryer, por problem i Shqipërisë është narkotrafiku. Ne thjesht po mbrojmë të drejtat.
