Vijonë ndryshimet në Prokurorinë e Krimeve të Rënda. Mësohet se me firmën e kryeprokurores, Arta Marku, prokurori Genti Osmani, nga sektori i trafiqeve kaloi te linja e korrupsionit dhe hetimit pasuror. Osmani është një nga prokurorët me karrierë në këtë fushe dhe anëtar i grupit hetimor të dosjes “Tahiri” dhe anëtar i grupit hetimore te dosjes “Babale”.
Te trafiqet është emëruar Anton Martini, një prokuror karriere që ka hetuar disa dosje të rëndësishme në këtë prokurori. Njëkohësisht Osmani do vazhdojë të jetë dhe Zv/Drejtues i Krimeve të Rënda. Linja e prokurorit Besnik Muçi, ajo për trafiqet, mbetet e palëvizur. Arenc Çela i shtohet kësaj linje pas largimit nga drejtimi i sektorit të hetimit pasuror.
Më herët, Arta Marku shkarkoi kreun e Prokurorisë së Krimeve të Rënda, Besim Hajdarmataj, i cili kaloi prokuror i thjeshtë, ndërsa në vendin të tij u emërua sih-prokurorja e Durrësit, Donika Prela.
Lëvizjet në Prokurorinë e Krimeve të Rënda
Genti Osmani – Nga sektori i trafiqeve, kalon te linja e korrupsionit dhe hetimit pasuror
Anton Martini – Emërohet prokuror te sektori i trafiqeve
Arenc Çela – Emërrohet prokuror te sektori i trafiqeve
Lëvizën më herët
Besim Hajdarmataj – Nga drejtues i Prokurorisë, kaloi në prokuror i thjeshtë
Donika Prela – Emërohet drejtuese e Prokurorisë së Krimeve të Rënda
