Portieri shqiptar Tomas Strakosha është shndërruar në heroin e kësaj jave në Seria A kur i ka garantuar ekipit të tij Lazio tri pikë mjaft të vlefshme, për ndeshjet e kësaj jave. Kur rezultati ishte 2-1 në favopr të lacialëve, gjyqtari akordoi 4 minuta shtesë dhe në minutën e 97-të, Juventus fiton një penallti, që mund të përmbyste gjithçka. Por gardiani i portës kuqezi, ka arritur që të bëjë më të pabesueshmen në një situatë pothuajse pa shkresë, kur e ka pritur goditjen e 11 metërshit të ekzekutuar nga sulmuesi i Juves, Paulo Dibala. Më herët Strakosha ishte bëre protagonist i një episodi që për pak do ta shndërronte atë në gafën e vitit, kur në vend që ta largonte topin që mbante në këmbë i vetëm në portën e tij, e përplas tek sulmuesi i Juventuesit Higuain, i cili për çudi bën gafën e shekullit duke e dërguar topin në traversë, e duke e bërë Strakoshën portierin më me fat. Në këtë mënyrë, Strakosha është shndërruar sot në heroin e Lazios. Me siguri mediat italiane do ta mbulojnë me elozhet e merituara.