Sergio Ramos, kapiteni i Real Madridit, do të hyjë në historinë e revistës “Interviú”, e cila ka njoftuar mbylljen e saj pas 40 vjetësh ekzistencë.
Kjo revistë, e cila ishte një sukses për guxim e saj gazetaresk, vuri në dukje raportet e saj të mëdha të gazetarisë hulumtuese, raportet e ankesave, por edhe nga femra të zhveshura, që shfaqeshin në kopertinë. Megjithatë, nuk ishin vetëm modele dhe artistë, që u shfaqën lakuriq në “Interviú”, por pati edhe një përfaqësim meshkujsh, duke përfshirë disa sportistë. Një nga këta ishte Sergio Ramos, kapiteni aktual i Real Madridit.
Sergio Ramos u shfaq i zhveshur në një intervistë që e bëri me “Interviu”, pak përpara se të bashkohet me Real Madridin, ndërsa ende ishte lojtar aktiv te Sevilla. “Unë jam shumë i përulur të jem një galaktik”,- tha Sergio Ramos në atë intervistë. Asokohe, ai ishte 18 vjeç. Megjithatë, Sergio Ramos nuk ishte atleti i vetëm, i cili u shfaq lakuriq në “Interviu”. Një futbollist tjetër, që bëri një trazim të tillë publik, ishte Migueli, ish-lojtar i Barcelonës. Gjithashtu, u paraqit lakuriq për “Interviú” presidenti i Racing de Santander dhe Alavés, Dimitry Piterman.
