Ka nisur protesta para kryeministrisë në Tiranë në mbështetje të Kosovës.
Me thirjet: “As jug, as veri, Mitrovica është Shqipëri”, “Lironi vëllezërit tanë” ata janë mbledhur sot para kryeministrisë në shenjë proteste për rrëmbimin e tre policëve të Kosovës nga forcat serbe.
Protestuesit shprehen se Shqipëria duhet të mbështesë Kosovën në këto momente të vështira.
“Situata në veri të Kosovës na ka prekur”, tha një protestues. “Shqipëria të mbështesë Kosovën në këtë situatë”, thotë një tjetër protestues.
