Zëvendëskryeministri Dalibor Jevtic, Kryebashkiaku i Mitrovicës Veriore Goran Rakic dhe Kryetari i Komunës së Shtërpcës Bratislav Nikolic janë në një vizitë zyrtare në Washington, ku u takuan me zyrtarin e Departamentit të Shtetit Matthew Palmer.
Tema kryesore ishte dialogu në Bruksel dhe si të arrihet zgjidhja përfundimtare e kompromisit. Pozicioni i Uashingtonit është se dialogu midis Beogradit dhe Prishtinës nuk ka alternativë dhe nuk ka afate për zgjidhjen e çështjes së Kosovës.
Takimi zgjati më shumë se zakonisht, rreth një orë, dhe siç raportuan përfaqësuesit e Listës Serbe, ishte e hapur dhe produktive. Ata folën për marrëdhëniet në mes të serbëve dhe shqiptarëve pas incidenteve të fundit në Kosovë, si dhe përfaqësues të Listës Serbe theksuan se SHBA është e interesuar për zgjidhje afatgjate.
“Lidhur me pyetjen për një kompromis, deri më tani nuk ka asnjë përgjigje konkrete, por përgjigja mund të merret vetëm nëpërmjet dialogut. Askush sot nuk mund të thotë jo këtu, apo kudo, “kjo do të jetë një zgjidhje kompromisi” … edhe qëndrimi me bashkëbiseduesit tanë në Washington dhe më parë në Berlin, ishte për të arritur një kompromis përmes një procesi të dialogut dhe jo ndryshe.
Ka disa sugjerime se si do të zhvillohet dialogu, ai do të bëhet në dy nivele”, tha pas takimit Dalibor Jevtic. Përfaqësuesit e Listës Serbe gjithashtu kanë lënë të kuptohet se dialogu Beograd-Prishtinë në Bruksel duhet të vazhdojë në fund të muajit
