“SË SHPEJTI PAGAT PËR TËRMETIN”/ Veliaj: Vendimi do të miratohet në Këshillin Bashkiak dhe më pas qytetarët…

Kryebashkiaku i Tiranës Erion Veliaj pa nga afër zyrat e reja të njësisë bashkiake numër 1 në kryeqytet ku tha se duke nisur nga sot banorët e kësaj njësisë do të mund të marrin shërbim në mjedise shumë herë më të mira. Ndërkaq, kryebashkiaku dha lajmin e mirë për të gjithë ata që janë prekur nga tërmeti. Pas përfundimit të vlerësimit të dosjeve, do të fillojë shumë shpejt pagesa në dorë për dëmet e lehta dhe rindërtimi për banesat e reja. Veliaj tha se vendimi do të miratohet së shpejti në Këshillin Bashkiak dhe më pas qytetarët do ti marrin paratë kesh për meremetimin e dëmeve të shkaktuara nga tërmeti, ndërsa së shpejti do të nisë ndërtimi i shtëpive që janë shembur plotësisht nga tërmeti.