Deputeti i Partisë Socialiste, Alket Hyseni, foli në një lidhje me “Skype” për rubrikën “Opinion”, në News24, për situatën e krijuar nga koronavirusi dhe ndikimin që mund të ketë në ekonomi, por edhe turizëm.
Duke u ndalur te turizmi, deputeti Hyseni tha se koronavirusi nuk do të ketë asnjë ndikim në sektorin e turizmin, duke shtuar se do të fillojë puna në jug shumë shpejt dhe plazhet shqiptare do të mbushen plot me shqiptarë dhe të huaj.
“Pandemia ka ndikim negativ në turizëm. Le të shpresojmë që në jug të fillojë puna sa më shpejt. Saranda fatmirësisht është zonë e gjelbër. Unë shpresoj e besoj se këtë vit, Saranda do të mbushet plot me qytetarë nga Shqipëria e jashtë saj. Unë uroj që në kulmin e sezonit të jemi në plazhe. Duhet kujdes, që të mund të shikojmë plazhet. Masat janë të nevojshme, pasi nëse nuk merren, situata do ishte më keq. Ne kemi marrë ekspertizë nga OBSH. Shqipëria ka regjimin më të mirë të mundshëm ndaj koronavirusi”, u shpreh deputeti Hyseni.
