Inter po kalon një situatë të vështirë, veçanërisht pas humbjes së pësuar të shtunën në mbrëmje kundër Genoa-s, që ka komplikuar akoma më shumë rrugën drejt kthimit në Champions League. Por Inter i së ardhmes po vazhdon të marrë formë. Goditja e parë mund të konsiderohet e mbyllur. Në fakt, falë udhëtimit të bërë nga Piero Ausilio pak javë më parë dhe falë kontakteve të vazhdueshme të Javier Zanetti-t, zikaltrit kanë siguruar Luataro Martinez, duke mposhtur konkrurrencën e Atletico Madrid. Milanezët do të shpenzojnë 20 milionë euro për kartonin e tij, plus 10% të shumë që do të përftohet nga shitje e mundshme në të ardhmen.
Pasi ka realizuar tre gola kundër Huracan, para syve të drejtorit sportiv të Inter, 20-vjeçari ka dhënë një asist dy ditë më parë për golin e tretë të realizuar kundër Lanus, teksa në shkallët e stadiumit ka qenë i pranishëm trajneri i Argjentinës, Jorge Sampaoli. Sipas “Corriere dello Sport”, ish-trajneri i Sevilla ka vendosur ta grumbullojë Martinez për miqësoret që “Albiceleste” do të zhvillojë në mars, kundër Italisë (24) dhe Spanjës (27). Plani i klubit zikaltër është që ta shfrytëzojë këtë udhëtim në Europë të bardhekaltërve për të zhvilluar vizitat mjekësore të sulmuesit.
