Është një nga talentet më interesantë të kampionatit italian. Në gjurmët e babait Enriko Kieza, madje me mundësinë për të bërë edhe më mirë. Në një intervistë të gjatë për të përditshmen italiane “Corriere Dello Sport”, Federiko Kieza ka folur për fillimet e tij duke rrëfyer edhe hollësi interesante, një nga të cilat ka të bëjë me Milanin.
Pikërisht, në lidhje me kuqezinjtë, talenti i Fiorentinës deklaroi: “Nuk kam bërë tifo kurrë për një ekip në veçanti, por Milani i kampionëve me tërhiqte shumë.
Kaka dhe Shevçenko ishin dy lojtarë që i ndiqja me vëmendje e, megjithëse në moshë të vogël, mundohesha të mos humbisja asnjë ndeshje”.
