Në samitin e Poznanit, Ministrja polake për Sipërmarrjen dhe Teknologjinë Jadwiga Emilewicz, deklaroi se “Ballkanit Perëndimor duhet t’i jepet jo vetëm shpresë, por perspektivë reale për aderim në BE”.
Jadwiga Emilewicz tha gjithashtu se “jemi mbledhur këtu që të japim një mesazh të fuqishëm për të ardhmen e qytetarëve tanë, sipërmarrësve të BE-së dhe Ballkanit Perëndimor”. Ajo shtoi se “tregtia mes BE-së dhe Ballkanit Perëndimor është dyfishuar në 10 vitet e fundit”.
Në samitin e Poznanit marrin pjesë përfaqësues të vendeve që janë pjesë e Procesit të Berlinit, një iniciativë për të mbështetur integrimin në BE të gjashtë vendeve të Ballkanit Perëndimor, Mal i Zi, Serbi, Maqedoni e Veriut, Shqipëri, Bosnje Hrecegovinë dhe Kosovë.
