Tiranë pret më 16 tetor Samitin e Liderëve të Procesit të Berlinit, e para herë jashtë kufijve të BE-së.
Kryeministri Edi Rama ka zbuluar sot disa prej emrave të liderëve europianë që marrin pjesë, teksa deklaron se po bëhen përgatitjet e fundit.
“Jemi në përgatitjet e fundit të një tjetër evenimenti të madh ndërkombëtar për Shqipërinë, Samiti i Liderëve të Procesit të Berlinit, i cili do të zhvillohet për herë të parë jashtë kufijve të BE-së, në Tiranë, me pjesëmarrjen e 6 kryeministrave të rajonit, ku kanë konfirmuar pjesëmarrjen Presidenti i Francës dhe Kancelari i Gjermanisë, Presidentja e Komisionit Europian, si edhe një sërë kryeministrash të vendeve anëtare të Bashkimit Europian 🇦🇱🤝🇩🇪🤝🇪🇺”, shkruan Rama.
