Në një fjalim të shumëpritur në samitin e Bashkëpunimit Ekonomik të Azisë dhe Paqësorit (Apec) në Presidenti Donald Trump ka deklaruar se SHBA-ja nuk do të tolerojë “abuzimet kronike në tregti”.
Në Vietnam ai tha se Shtetet e Bashkuara ishin të gatshme të punonin me vendet e APEC-ut për aq kohë sa ata “respektonin tregtinë e ndershme dhe reciproke”.
Trump tha se tregtia e lirë kishte kushtuar miliona vende pune amerikane, dhe ai donte të korrigjonte mosbalancimin.
Në fjalimi i tij të premten, Presidenti amerikan sulmoi Organizatën Botërore të Tregtisë, e cila përcakton ligjet globale të tregtisë dhe tha se ajo “nuk po funksiononte siç duhet”.
Ai u ankua për zhbalancimin e tregtisë, duke thënë se SHBA-a kishin ulur barrierat e tregut dhe kishte hequr tarifat, ndërkohë që vendet e tjera nuk kishin të njëjtin reciprocitet.
“Praktika të tilla dëmtojnë shumë njerëz në vendin tonë,” u tha ai biznesmenëve dhe udhëheqësve politikë në samit.
Por ai nuk e fajësoi vendet e APEC-ut por akuzoi administratat e mëparshme amerikane se nuk ksihin vepronin më herët për të ndryshuar prirjen e këtyre problemeve tregtare.
Ai tha se Amerika do të bënte marrëveshje dypalëshe me “çdo partner të samitit i cili qëndron për tregti të ndershme reciproke”.
Presidenti amerikan kishte udhëtuar në Da Nang nga Pekini, ku ai kishte diskutuar gjithashtu mosbalancimin e madh tregtar të Amerikës me Kinën. Edhe atje, ai tha se nuk e fajësonte shtetin kinez por Administrtën Obama.
Shefi i Shtëpisë së Bardhë ka vizituar tashmë Kinën dhe Japoninë, si pjesë e një turneu në kontinentin aziatik.
“APEC” mbledh së bashku 21 ekonomi nga të dyja anët e Paqësorit, ekuivalenti i rreth 60% të PBB-së së botës.
Që nga marrja e detyrës, Presidenti Trump ka tërhequr SHBA-në nga një marrëveshje e madhe tregtare me 12 vende anëtare të APEC-ut , duke argumentuar se dëmtonte interesat ekonomike të Amerikës.
Për afro 30 vjet, APEC-u ka qenë samiti ku Shtetet e Bashkuara kanë udhëhequr përpjekjet për tregtinë e lirë dhe lidhje më të forta biznesi midis ekonomive më dinamike në botë.