Ditën e sotme ish-deputeti i PD Ervin Salianji, është thirrur si i pandehur nga Prokuroria në lidhje me çështejen ‘Babale’.
I ftuar në emisionin ‘Arena’ ne Ora News të drejtuar nga Dritan Hila, Salianji ka thënë se nuk shqetësohet fare përë këtë rast, pasi është denoncuar nga një person që sot është në burg për trafik ndërkombëtar droge.
“Nuk më shqetëson fare. Unë kam as dy vjet aktivitet parlamentar dhe kam më shumë procedime penale se sa rroga.
Nuk më shqetëson fare. Është një rast ku në debatin publik është fituar.
Më ka denoncuar një person që sot është në burg për trafik ndërkombëtar droge.
Është një çështje që është bërë kaq shumë qesharake saqë është bërë thuajse telenovelë”, është shprehur Ervin Salianji.
