Mjeku Pëllumb Pipero ishte i ftuar në emisionin ‘Open’ ku foli për situatën aktuale të pandemisë në vend dhe rritjes së numrit të të infektuarve me Covid-19.
Pipero tha se numri i rasteve ka ardhur për arsye të neglizhencës së qytetarëve, rritjes së numrit të testimeve dhe mos respektimi i protokollove.
“Mendoj se rritja e numrit të testeve ka ardhur për arsye të neglizhencës, rritjes së numrit të testimeve dhe mos respektimi i protokolleve të caktuara. Me hapjen e vendit qytetarët menduan se virusi u largua duke mos respektuar masat”.
Ndërkohë kur Pipero u pyet për situatën ai u shpreh se gjendja është serioze dhe se kemi një numër të lartë infektimesh.
“Situata është serioze. Serioze sepse kemi një numër të lartë infektimesh, kemi një numër të lartë të shtruar në spitalin Infektiv”.
Kujtojmë se në 24 orët e fundit janë regjistruar 3 viktima nga koronavirusi në Shqipëri, duke e çuar në total numrin e atyre që kanë vdekur në 104. Ndërkohë, një numër shumë i lartë i rasteve të reja vazhdon të jetë shqetësues, pasi 99 persona janë konfirmuar pozitivë me Covid-19 në 24 orët e fundit.
Deri më tani Shqipëria ka regjistruar gjithsej 3,851 raste Covid-19 dhe 1.610 prej tyre janë aktivë.
