Presidenti i Ukrainës Volodymir Zelensky, ka bërë me dije se Rusia po planifikon referendum të rreme në rajonet e pushtuara pjesërisht në Kherson dhe Zaporizhzhia.
Presidenti ukrainas i bëri thirrje banorëve të zonave nën pushtimin rus që të mos japin informacione personale apo numrat e tyre të pasaportës për forcat ruse.
“U bëj thirrje banorëve të rajoneve jugore të Ukrainës – rajonet Kherson dhe Zaporizhzhia , të jenë shumë të kujdesshëm në lidhje me informacionin që u jepni pushtuesve. Kjo ka për qëllim të falsifikojë referendumin për tokën tuaj, nëse vjen një urdhër nga Moska për të organizuar një shfaqje të tillë. Dhe ky është realiteti. Bej kujdes”, tha më tej ai.
