Shefi rus i diplomacisë, Sergei Lavrov përshëndeti të hënën përpjekjet e kryera nga presidenti amerikan, Donald Trump dhe kreu koreanoverior, Kim Jong Un që duhet të takohen për një samit historik më 12 qershor, për të tejkaluar përplasjet.
“Bashkë me Kinën, ne përshëndesim përparimet dhe përpjekjet që do të na ndihmojnë të tejkalojmë mungesën e besimit, përplasjet dhe të krijojnë një mjedis të shëndetshëm për të arritur tek denuklearizimi i gadishullit korean”, deklaroi Lavrov për median në Pretoria.Ai e mbajti këtë deklaratë para se të fillonte një mbledhje e ministrave të Punëve të Jashtme të BRICS (Brazil, Rusi, Indi, Kinë, Afrikë e Jugut) pasi ishte takuar me homologun e tij kinez, Wang Li.
