Ministri i Jashtëm i Mbretërisë së Bashkuar, James Cleverly, ka akuzuar Rusinë për dështim në përmbushjen e angazhimeve ndërkombëtare që ka marrë rreth transparencës ushtarake.
Duke folur në Këshillin e Sigurimit të OKB-së, Cleverly tha se e gjithë bota mund të shohë se “Rusia ka vendosur forcat e nevojshme për të pushtuar Ukrainën dhe tani i ka gati për veprim”.
Në lidhje me retorikën ruse të një tërheqjeje, ai tha se është “shumë e qartë se kundërshtimi është në fakt i vërtetë dhe ndërtimi ushtarak rus vazhdon”.
“Veprimet e Rusisë janë të dizajnuara qartë për të frikësuar, kërcënuar dhe destabilizuar Ukrainën. Ne e dimë, ata e dinë dhe komuniteti ndërkombëtar e di. Nëse Rusia është serioze për një rezolutë diplomatike “atëherë ajo duhet të paraqitet në takimet diplomatike dhe të angazhohet për bisedime kuptimplote të OSBE-së (Organizata për Siguri dhe Bashkëpunim në Evropë)”, duke parë se ato nuk u shfaqën të mërkurën dhe nuk e kanë ndërmend të paraqiten edhe të premten”.
Mbretëria e Bashkuar dënon veprimet e ndërmarra nga Duma ruse për t’i propozuar presidentit rus të njohë rajonet e Luhansk dhe Donetsk si të pavarura, shtoi Cleverly.
