Ilir Meta ka bërë një reagim të ashpër ndaj Ambasadës amerikane në Tiranë, menjëherë sapo kjo e fundit ka propozuar që situata e krijuar për Gjykatën Kushtetuese, të çohet për interpretim në Gjykatën e Venecias. Duket sikur Presidenca e ka pasur gati njoftimin, duke qenë se e ka nxjerrë atë, direkt pas deklaratës së Ambasadës amerikane.
Dhe në fakt ashtu është, pasi Meta e priste deklaratën e Ambasadës amerikane dhe propozimin për ta çuar çështjen e Gjykatës Kushtetuese për interpretim në Gjykatën e Venecias. Kjo, duke qenë se ai mbrëmë, sipas burimeve të sigurta të TemA-s, ka zhvilluar një telefonatë me përfaqësuesin e lartë të SHBA në Ballkan, Matheë Palmer,
Gjë që në fakt, konfirmohet edhe nga deklarata e Metës. “Garantët e veprimeve të paligjshme dhe mafioze të Dvoranit e kanë marrë mbrëmë përgjigjen zyrtare në një bisedë zyrtare tepër të përgjegjshme të kryetarit të shtetit”, thuhet në deklaratën e Metës.
Reagimi i ashpër i Metës, vjen pikërisht prej faktit se Palmer nuk e ka mbështetur atë dhe i ka kërkuar atë që kërkoi edhe Ambasada, ta çojë çështjen në Gjykatën e Venecias. Kjo e ka tërbuar Metën, i cili tashmë i ka shpallur luftë edhe vetë SHBA-së.(TemA)
