Puna në tunelin e Murrizit është drejt finalizimit. Kryeministri i vendit Edi Rama ka postuar foto nga ky tunel, ku shkruan se po punohet për metrat e fundit të kësaj vepre të rëndësishme.
“Puna në tunelin e Murrizit po vijon. Janë metrat e fundit që edhe kjo vepër, më e rëndësishmja e Rrugës së Arbrit, të jetë plotësisht e hapur dhe e aksesueshme për të gjithë drejtuesit e automjeteve.
Gjeologjia solli vonesat në ecurinë e këtij projekti, por puna nuk është ndalur dhe nuk do të ndalet deri në përfundimin dhe hapjen e plotë të tunelit, i cili bën të mundur që i gjithë qarku i Dibrës të jetë akoma edhe më afër me Tiranën”, shkruan kreu i qeverisë.
