Rinovimi i sistemit elektronik të Asistencës Sociale, lehtëson procedurat e aplikimit për qytetarët dhe rrit transparencën e verifikimit për çdo ankesë të ardhur nga aplikantë të çdo niveli.
Nga sot punonjësit publikë përgjegjës për mbarëvajtjen e skemës së re të asistencës do të kenë mundësi të ofrojnë në kohë të shpejtë dhe pa asnjë ekuivok shërbimin e duhur shtetëror për personat përfitues të kësaj skeme.
Rinovimi ka konsistuar në modernizimin e sistemit elektronik të Asistencës Sociale, i cili nga sot krijon mundësinë e realizimit të monitorimit në mënyrë më të thjeshtë nga të gjithë qytetarët, verifikim të deklarimeve të tyre, siguri maksimale dhe transparencë efektive të skemës së ndihmës ekonomike.
Nga 9 dokumente që dorëzoheshin një vit më parë, sot aplikimi në këtë skemë kryhet vetëm me kartë identiteti.
Tani përmes këtij sistemi kryhet auditimi i çdo ankese të ardhur nga aplikantë të çdo niveli.
