Situtata e motit aktualisht paraqitet e qëndrueshme.
Nga parashikimi i kryer mbi bazën e informacioneve të ardhura në redaksinë e ALPENews.al, vihet re se ka kalueshmëri 100 përqind të rrugëve nacionale.
Autostrada Tiranë-Durrës paraqitet pa probleme në kalueshmëri.
Përveç rrugës së vjetër që nga burime të Polcisë Rrugore theksohet se duhet vigjilencë nga shoferët e makinave, dhe kryesisht të mjeteve të tonazhit të rëndë.
Të sigurohen që të kenë zinxhirë me vete nëse do të jenë në drejtim të zonave malore.
Ndërkohë edhe Rruga e Kombit është e kalueshme, përveç pjesës pas Tunelit të Kalimashit që nevojiten zinxhirë për siguri më të lartë rrugore.
Situata në Kukës, dhe në Tropojë shfaqet jo problematike.
Përveç disa fshatrave shumë të thellë si Arrëni, Kalisi, dhe Kolshi që kanë probleme të hershme me bllokimin e rrugëve.
Në Aeroportin e Rinasit nuk ka patu vonesa në fluturime, dhe deri më tani nuk është njoftuar për ndonjë të tillë. Pistat kanqë qenë të qeta, dhe uljet e ngritjet janë bërë në oraret e caktuara.
Ndërkohë që një tjetër informacion vjen nga Porti i Durrësit dhe ai i Vlorës.
Në Durrës nuk ka patur luhatje të orareve për udhëtimet direkte Durrës-Bari, dhe Durrës-Trieste.
Në Vlorë situate paraqitet e përballueshme. Dita e sotme nuk ka patur shumë lëvizje të anijeve që kanë ardhur me linja direkte nga Italia. Por paralajmërohet se linja Brindisi-Vlorë do të vonohet rreth 5 orë, duke mbërritur në orën 12:00 të mesditës në destinacion.
Ka patur disa vonesa në mbërritjen e trageteve të tjera. Ndërkohë mjetet lundruese nuk lejohen që të dalin nga porti, kjo sepse dallgëzimi ka mbërritur deri në 8 ballë.
Ndërkohë që ALPENews.al ju njofton të gjithve se në vazhdim do të informoheni edhe për ndryshime të tjera.
Gjatë ditës janë paralajmëruar shtrëngata shiu në pjesën e Ultërsirës Perëndimore, dhe reshje të intensifikuara dëbore në Kukës, Tropojë, dhe vijën juglindore të vendit.
Kujdesni me elektroshtëpiaket në shtëpitë tuaja. Mos konsumoni të gjithë aktivitetet elektrike për njëherësh.
Përgatiti: AlpeNews.al
