Gwyneth Montenegro, 39, vendosi të punojë si eskortë në moshën 21-vjeçare, pas një përdhunimi të tmerrshëm në grup që i ndryshoi totalisht rrjedhën e jetës.
Ish- e krishtera e devotshme ka kaluar 12 vite në këtë industri, paguhej 1,000 dollarë në orë në punën e saj si eskortë elitë, duke përballuar veshje të shtrenjta, makina luksoze dhe udhëtime të klasit të parë në gjithë botën. Por është portretizimi si magjepsës i kësaj industrie seksi që ka detyruar 39-vjeçaren të flasë hapur rreth saj, duke zbuluar se vajza 12-vjeçare i janë drejtuar për këshilla që të bëhen eskorta.
E tmerruar nga numri në rritje i grave dhe vajzave që e kanë kontaktuar pasi kanë dëgjuar historitë e saj, Montenegro ka hedhur dritë mbi anën aspak magjepsëse të industrisë.
“E gjej veten duke lexuar artikuj sesi një eskortë elitë ka fituar 1,000 dollarë në orë, 2,000 apo 5,000 dollarë në orë, sepse shesin trupin për seks,” tregon ajo për Daily Mail Australia.
“Këta artikuj trajtojnë jetët e tyre luksoze, paratë e mëdha që fitojnë, udhëtimet në botë dhe jetët e tyre seksuale. Vajza 12-vjeçare, ende në shkollë, më kanë kërkuar këshilla sesi të bëhen eskortë. Dymbëdhjetë! Ende në shkollë, duke planifikuar një jetë mbi prostitucionin sapo të arrijnë moshën e duhur. Cili prind do që vajza e tyre 12-vjeçare të çojë nëpërmend diçka të tillë? Qëkur diçka e tillë u bë e pranueshme? Shitja e trupit për seks duket si një tregti e drejtë për to, duke marrë mbrapsht një jetë të privilegjuar. Problemi është se iluzioni që shfaqet në media rrallë përputhet me realitetin e punës brenda prostitucionit.”
“Duhet një person me mendje shumë të fortë për ta bërë këtë dhe të largohet nga industria e paprekur. Punoja nën brezin e shoqërisë dhe e bën vazhdimisht këtë në një mjedis të pasigurtë. Pastaj paragjykohesh nga shoqëria. ‘Je një kurvë dhe kjo është e vetmja gjë që di të bësh, një lojë për burrat’. Nuk jam ndjerë kurrë aq e lënduar nga shoqëria sa kur punoja si eskortë.”
Ato që ia dalin të bëhen pjesë e nivelit elitë janë në minoritet. Ajo që nuk lexoni në gazeta është se vajzat eskortë elitë nuk janë aty sepse janë të bukura. Sigurisht bukuria luan një rol të rëndësishëm, por nuk i fitojnë ato para bazuar tek pamja vetëm. Duhet të ofrosh shërbime që eskortat normale nuk i ofrojnë. Elitë, apo klas i lartë, do të thotë të kalosh limitet, të bësh gjërat që shoqëria i dënon dhe i quan të pasigurta.
Paraja ishte fuqizuese, sipas saj, por karriera e saj si eskortë nuk ishte. “I kam siguruar shërbime seksuale burrave dhe kam fluturuar si pilote. E di cila më bëri të ndihem më e fuqishme dhe nuk ishte prostitucioni.”
Gwyneth ka shkuar me më shumë se 10 mijë burra.
“Në fund të fundit, kujt i intereson nëse e perceptoni si fitimprurëse, çliruese dhe fuqizuese. Në pjesën më të madhe të kohës ju i ofroni shërbime seksuale burrave të grave të tjera. Nëse ke sadopak ndërgjegje, nuk do të ndihesh shumë mirë për këtë.
“Për mua, e vetmja gjë fuqizuese në këtë industri ishte paraja, dhe madje atëherë kam shpenzuar shumë, në përpjekje për të fshehur mënyrën si ndihesha për veten time.”
/anabel
