Bashkëkryetari i Komisionit për Reformën Zgjedhore dhe përfaqësuesi i mazhorancës në tryezën e Këshillit Politik, Damian Gjiknuri do të rrëfehet sot në emisionin ‘’Real Story’’ të Sokol Ballës në News24 lidhur me prapaskenat e tryezës së Këshillit Politik, ndërhyrjen e ndërkombëtarëve dhe ecurinë e negociatave.
Sot Gjiknuri tha se të gjithë kanë dalë të fituar nga një konsensus që pritet të arrihet, duke filluar nga identifikimi biometrik por edhe tek depolitizimi i administratës zgjedhore që me sa duket po mban ende peng marrëveshjen.
Gjiknuri ka folur edhe se si do të jetë skema e këtij depolitizmi apo dhe për votën e emigrantëve, por në fund tha se ky do jetë i pari votim tërësisht i pastër në Shqipëri. Për detajet e të gjitha këtyre, sot në studion e Real Story, Gjiknuri së bashku me analistin Arian Vasjari dhe zv.kryeredaktorin e gazetës Panorama Aristir Lumezi.
